ന്യൂഡൽഹി: പാർലമെന്റിന്റെ ശീതകാല സമ്മേളനത്തിൽ എല്ലാ ചോദ്യങ്ങൾക്കും മറുപടി നൽകാൻ തന്റെ സർക്കാർ തയാറാണെന്ന് പ്രധാനമന്ത്രി നരേന്ദ്ര മോദി പറഞ്ഞു. സർക്കാരിനെതിരേ എത്ര ശബ്ദം വേണമെങ്കിലും ഉയർത്താം. എന്നാൽ സഭയുടെയും സ്പീക്കറുടെ കസേരയുടെയും അന്തസ് കാക്കാൻ പ്രതിപക്ഷം ശ്രദ്ധിക്കണമെന്നും പ്രധാനമന്ത്രി അഭ്യർഥിച്ചു.
 |
| വീഡിയോ കാണാന് ക്ലിക്ക് ചെയ്യു |
എല്ലാ വിഷയങ്ങളിലും ചർച്ച ചെയ്യാൻ സർക്കാർ തയാറാണ്. എല്ലാ ചോദ്യങ്ങൾക്കും ഞങ്ങൾ ഉത്തരം നൽകും. പാർലമെന്റിലെ ഓരോ ചോദ്യങ്ങളിലും സർക്കാർ സമാധാനം ആഗ്രഹിക്കുന്നുണ്ട്. സർക്കാരിനെതിരേ എന്ത് ശബ്ദം ഉയർന്നാലും പാർലമെന്റിന്റേയും സ്പീക്കറുടെ കസേരയുടെയും അന്തസ് ഉയർത്തിപ്പിടിക്കണമെന്നും പ്രധാനമന്ത്രി പറഞ്ഞു.
പുതിയ കോവിഡ് വകഭേദം ഒമിക്രോണിനെക്കുറിച്ചും പ്രധാനമന്ത്രി മുന്നറിയിപ്പ് നൽകി. ഈ പ്രതിസന്ധി ഘട്ടത്തിൽ എല്ലാവരുടെയും ആരോഗ്യത്തിന് മുൻഗണന നൽകുന്നതിനുവേണ്ടി എല്ലാ എംപിമാരും ജാഗ്രത പാലിക്കണമെന്നും പാർലമെന്റ് സമ്മേളനത്തിന് മുന്നോടിയായി വാർത്താ സമ്മേളനത്തിൽ മോദി പറഞ്ഞു.
